გორგასლის I შესახვევის #5 და თუმანიანის ქ.#23/10
თბილისი, თუმანიანის ქუჩა N23/1
41.6897573, 44.8089006
დაკეტილია
დეტალური ინფორმაცია
გორგასლის I შესახვევის #5 და თუმანიანის ქ.#23/10-ში მდებარე , თუმანიანის ქუჩის კუთხეში მდგარი, აგურით ნაშენი კუბური მოცულობის მქონე ორსართულიანი შენობა თბილისური აივნიანი სახლების საინტერესო ნიმუშს გვთავაზობს. მთავარი ფასადით მდ. მტკვრისკენ მაყურებელი სახლი ქალაქის ერთ-ერთ უძველეს მოედანზე გამოდის და ხის ჭვირულორნამენტული აივნით ეხსნება გარემოს. ხის დორიულ სვეტებს დაყრდნობილი მოჩუქურთმებული თაღებით დამშვენებული შეკიდული აივანი შენობის მთავარი სამშვენისი და მხატვრულ-არქიტექტურული მოტივია. აბანოთუბნის რთულ რელიეფს შეფენილი ამგვარი ხის აივნიანი სახლები თბილისის ადვილადსაცნობ სავიზიტო ბარათს წარმოადგენს.
